8 Noyabr — Azərbaycan xalqının əzmkarlığı, qətiyyəti və birlik rəmzi olan şanlı Zəfər Günüdür! 2020-ci ildə əldə olunan qələbə ilə Azərbaycanın ərazi bütövlüyü bərpa edildi, tariximizə yeni bir zəfər səhifəsi yazıldı. Bu möhtəşəm gün, Azərbaycan Respublikasının Prezidenti, Ali Baş Komandan İlham Əliyevin rəhbərliyi altında Azərbaycan Ordusunun qəhrəman əsgər və zabitlərinin göstərdiyi igidlik və vətənpərvərlik nəticəsində gerçəkləşdi.
Azərbaycan Kapoeyra Federasiyası olaraq, biz də bu böyük zəfəri qürurla qeyd edir, ölkəmizin sülh və əmin-amanlıq içində inkişaf etməsini arzulayırıq. Kapoeyra birliyi olaraq, Azərbaycan xalqının və dövlətinin yanında dayanır, millətimizin ruhundakı döyüş və iradə gücünü kapoeyra fəlsəfəsində də yaşadırıq.
Bu əlamətdar gün münasibətilə bütün şəhidlərimizi ehtiramla yad edir, qazilərimizə və onların ailələrinə dərin hörmət və minnətdarlığımızı bildiririk. Onların fədakarlığı sayəsində bu gün qalib xalq olaraq birlikdə addımlayırıq.
Zəfər Gününüz mübarək, Azərbaycan!
