Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva DOST İnklüziv İnkişaf və Yaradıcılıq Mərkəzini ziyarət ediblər.

Nazir Sahil Babayev Mərkəzin fəaliyyəti barədə məlumat verib. Əlilliyi olan şəxslər, şəhid ailələrinin üzvləri və digər həssas qrupların yaradıcı potensialının inkişafı, reabilitasiyası və cəmiyyətə inteqrasiyası üçün aparılan işlər diqqətə çatdırılıb.

Qeyd edək ki, bu kontekstdə, Azərbaycan Kapoeyra Federasiyasının da əlilliyi olan şəxslərin fiziki və sosial inkişafına dəstək verən layihələrdə fəal iştirak etdiyi vurğulanıb. Federasiya, mərkəzlə əməkdaşlıq çərçivəsində inklüziv idman tədbirləri və təlimlər təşkil edərək cəmiyyətin müxtəlif təbəqələri arasında dostluq və həmrəyliyi təşviq edir.