Kapoeyra Federasiyası olaraq böyük məmnuniyyətlə bildiririk ki, Gənclər və İdman Nazirliyinin 2024-cü ilin yekunlarına dair keçirilən səsvermədə iki üzvümüz namizəd olub:
- Elgiz Əlizadə – 2024-cü ilin ən yaxşı məşqçisi (qeyri-olimpiya növləri üzrə)
(Azərbaycan Kapoeyra Federasiyasının baş məşqçisi) - Fərid Səlimov – 2024-cü ilin ən yaxşı kişi idmançısı (qeyri-olimpiya növləri üzrə)
Elgiz Əlizadə, Azərbaycan Kapoeyra Federasiyasının Baş məşqçisi olaraq, mütəxəssisliyi və zəngin təcrübəsi ilə böyük uğurlar qazanıb. Onun rəhbərliyi altında, 2024-cü ildə yığma komandamız Macarıstanın paytaxtı Budapeşt şəhərində keçirilən Avropa çempionatında yüksək nailiyyətlər əldə edərək komanda hesabında birinci yerin sahibi oldu, həmçinin Braziliyanın Curitiba şəhərində keçirilən Beynəlxalq turnirdə komanda hesabında ikinci oldu.
Fərid Səlimov isə 2024-cü ildə qeyri-olimpiya idman növlərində göstərdiyi müstəsna nəticələrlə bu nominasiya üçün namizəd seçilib. Fərid, 2024-cü ildə Avropa və Azərbaycan çempionu olub, həmçinin Braziliyada keçirilən Beynəlxalq turnirin qalibi adını qazanıb.
Hər iki üzvümüzün bu uğurları, yalnız şəxsi səviyyədə deyil, həmçinin ümumilikdə Kapoeyra idmanının inkişafı və təbliğində böyük əhəmiyyət daşıyır. Onların əldə etdiyi nailiyyətlər, Azərbaycanda və dünyada Kapoeyra-nın daha da tanınmasına və inkişafına dəyərli töhfə vermişdir.