23-26 noyabr 2024-cü il tarixlərində Braziliyanın Curitiba şəhərində keçirilmiş “Difazio Capoeira Beynəlxalq Turniri” Azərbaycan Capoeira Federasiyası üçün böyük nailiyyətlərlə yadda qaldı. Federasiyanın 4 nəfərlik yığma komandası, baş məşqçi Elgiz Əlizadənin rəhbərliyi ilə, bu prestijli turnirdə iştirak edərək ölkəmizi layiqincə təmsil etdi.Yarışda idmançılarımız böyük rəqiblər qarşısında parlaq nəticələr göstərərək ümumilikdə 4 medal qazandılar:
•Fərid Səlimov – böyüklər kateqoriyasında birinci yer (qızıl medal)
•Asya Atayeva – peşəkar böyüklər kateqoriyasında ikinci yer (gümüş medal)
•Dilqəm İsmayılov – yeniyetmələr kateqoriyasında birinci yer (qızıl medal)
•Mehriban Hacıbabaeva – yeniyetmələr kateqoriyasında birinci yer (qızıl medal)
Turnirdə hər kateqoriya üzrə rəqabət olduqca çətin idi. İdmançılarımız isə öz güclərini və bacarıqlarını nümayiş etdirərək qələbəni təmin etdilər.
Azərbaycan Capoeira Federasiyasının bu uğuru təkcə idman sahəsində deyil, həm də ölkəmizin beynəlxalq səviyyədə nüfuzunun artmasında mühüm rol oynayır. Bu nailiyyətlərlə qürur duyuruq və gələcək yarışlarda komandamıza daha böyük uğurlar arzulayırıq!
Əlavə məlumat üçün:
Azərbaycan Capoeira Federasiyası
Əlaqə: +994708703535
Email: [email protected]